TAU TAK DEK EKAU OGHANG SEMUO,,!!!
asal usul namo kegheto LIMOUSINE adolah dari negoghi semilan..dan kini namo limosine tu digunokan pado kegheto mewah..
Satu maso dulu kek pilah..oghang pilah ni kayo ckit dari tompek lain sobab pilah tompek tingga residen omputeh maso tu..maso tu yg ado kegheto hanyolah oghang putih tu jo..dan dreba omputih tu pulak adolah berbangso benggali yg susah na oghang kampong nak sobut namo eh..oghang putih ni pulak jonis oghang yg suko mencarik duit tambahan,maklumlah kojo gomen british maso tu gaji kocik..jadi disewokanlah keto eh tu..lobih kughang cam prebet sapu la jugak..sewo pon agak maha jugak tu..5 sen. Maso jaman tu 5 sen godang tu..maklumlah gaji gomen pun maso tu baghu tigo ompek pusen jo sebulan..jadi kut maso tu oghang pilah nak ke somban,dio oghang akan sewo la keto omputih tu..selalu eh bilo ado yg betanyo..ekau poi somban tu naik apo? Dongan belagak eh memasing akan menjawab..ala..den naik KETO LIMO SEN tu laaa dgn ghaso ghiak eh.. bilo didonga deh omputih tu mako sampai la sekaghang keto yg mewah sikit disobut LIMOUSINE..kut mongak ceghito lobai sahak pilah tu,memongak la den jugak jawab eh,sobab ni lobai sahak yg ceghito kek den dulu haa..
